Məxfilik siyasəti

Qısaca

Bu şəxsi saytdır. Reklam, profilləmə və məlumat satışı yoxdur. Yalnız saytın işləməsi və sizə cavab vermək üçün lazım olan minimum məlumat saxlanılır.

Hansı məlumatlar toplanır

• Əlaqə formu: ad, email, mesaj, istəyə bağlı telefon və mövzu. Yalnız cavab vermək üçün istifadə olunur və parametrlərdə təyin olunmuş müddətdən (standart 1 il) sonra avtomatik silinir.
• CV builder: daxil etdiyiniz məlumatlar və şəkil yalnız brauzerinizdə saxlanılır, serverə göndərilmir. PDF də brauzerdə yaradılır. Təklif və ya şikayət göndərsəniz, mesajınız və istəyə bağlı email saxlanılır.
• Parkinq bildirişi (QR kod): seçdiyiniz səbəb, qısa mesaj və istəyə bağlı telefon nömrəsi. Avtomobil sahibinə çatdırılır və standart olaraq 30 gün sonra silinir.
• Sui-istifadəyə qarşı qoruma: IP ünvanı açıq şəkildə saxlanılmır. Spam və sorğu limiti yoxlaması üçün geri çevrilməyən hash istifadə olunur, limit qeydləri 2 gün ərzində silinir.
• Ziyarət statistikası: hər səhifə üçün gündəlik baxış sayı və unikal ziyarətçi sayı. Bunun üçün vid kukisi təsadüfi identifikator saxlayır, serverdə isə yalnız onun hash-i gün üzrə yazılır. Bu məlumat ad, email və ya IP ilə əlaqələndirilmir və 2 il sonra silinir.
• Canlı ziyarətçilər: səhifə açıq olduqca brauzer hər 30 saniyədən bir kiçik siqnal göndərir; bunun üçün brauzerin sessiya yaddaşında tab üçün təsadüfi identifikator saxlanılır. Server siqnalı yalnız yaddaşda, təxminən bir dəqiqəlik saxlayır: hansı səhifədəsiniz, brauzer, əməliyyat sistemi, cihaz növü, ölkə (Cloudflare-in verdiyi) və hansı saytdan gəldiyiniz. Bu məlumat bazaya yazılmır.
• İstifadə statistikası: CV builder-dən PDF yükləmə, CV-yə baxış və yükləmə, layihə və sosial link klikləri, Sevimlilərdə mahnı dinləmə gün üzrə sayılır (məsələn, layihə adı və ya dil ilə). Kimin etdiyi yazılmır, CV builder-ə daxil etdiyiniz məlumat serverə göndərilmir. Sayğaclar 2 il sonra silinir.

Kukilər və lokal yaddaş

Ad	Məqsəd	Müddət
vid	anonim ziyarət statistikası	1 il
theme-resolved	seçdiyiniz mövzu (işıqlı və ya qaranlıq)	1 il
__Host-elmin_session, admin-locale	yalnız admin panelinə giriş və onun dili	sessiya, 1 il

Brauzerin lokal yaddaşında mövzu seçimi, ulduz animasiyası ayarı, CV builder qaralaması və önizləmə zoom ayarı saxlanılır. Bunlar cihazınızdan kənara çıxmır.

Üçüncü tərəflər

• Spotify və Apple Music: “Sevimlilər” səhifəsində ▶ düyməsinə basanda onların pleyeri yüklənir və bu andan onların öz məxfilik qaydaları və kukiləri tətbiq olunur. Düyməyə basmasanız, onlara heç bir sorğu getmir.
• Bildirişlər: əlaqə, təklif və parkinq mesajları sayt sahibinə Telegram və ya email vasitəsilə çatdırılır.
• Xarici linklər: IMDb, TVmaze, Spotify, Apple Music və sosial şəbəkələr ayrıca saytlardır və öz qaydaları var.
• Şriftlər və şəkillər bu saytın öz serverindən verilir. Kənar izləmə skripti yoxdur.

Hüquqlarınız

Göndərdiyiniz məlumatın surətini və ya silinməsini istəyə bilərsiniz. Bunun üçün əlaqə səhifəsindən yazın.

Son yenilənmə: 26 sentyabr 2026.